Курти со порака до Рама: Преговори не се почнуваат со Белград

Лидерот на Самоопределување, Албин Курти, денеска повторно ја критикуваше Албанија и нејзиниот премиер Еди Рама, поради учеството на тројниот состанок во Охрид, посветен на балканскиот „мини Шенген“ и порачал дека албанскиот премиер требало да го почека формирањето на новата приштинска влада.

Курти вели дека тој проектот кој беше започнат во Нови Сад, а продолжен во Охрид, не само што е погрешен, туку дека Албанија требало да започне со Приштина, а не со Белград.

– Нови Сад и Охрид беа грешка. Не се почнува со Србија. Се почнува со договор меѓу Косово и Албанија, па се продолжува со договор меѓу Хрватска и Бугарија, а потоа со официјално Сараево, Подгорица и Скопје, па дури на крај договор со Белград – рекол Курти, а пренесува приштинската Газета Блиц.

Според зборовите на Курти, Белград треба да биде на последно место, бидејќи, како што вели, не се кае за „злосторствата напрени со Москва на чело со Путин“ во последната војна.

– Затоа сметам дека состаноците во Нови Сад и Охрид беа погрешни чекори – рекол Курти.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот