Косовскиот претседател Албин Курти во интервју за Би-Би-Си на српски јазик, изјави дека очекува од Европската унија во иднина да биде „поактивна и појасна“ кога станува збор за прашањата меѓу Приштина и Белград.

„Ако го погледнете времето што го трошам во јавноста може да се чини дека ова прашање (состојбата со Србија) се искачи на листата на приоритети, но верувам дека суштински не го промени своето место. Работата, правдата и тековните проблеми сè уште се таму се занимавам со многу теми“ вели Курти.

Овој четврток (18 август), Курти се очекува во Брисел да се сретне со претседателот на Србија, Александар Вучиќ. Помина повеќе од една година од последната таква средба, иако преговарачите се сретнаа во поинаков формат во мај, во Берлин.

„Рано е да се каже како ќе заврши и каков карактер ќе има средбата. Оваа средба требаше да се одржи на 19 јули, но претседателот на Србија побара да се одложи за еден месец.“ вели Курти.

Курти и Вучиќ ќе се сретнат со посредство на Мирослав Лајчак, претставник на Европската унија (ЕУ) за дијалог.

Welcome the opportunity for an informal dinner discussion about the Dialogue with Prime Minister Kurti and President Vucic in Berlin. Grateful to the German government for hosting. We will continue the discussion on the level of Chief negotiators on 13 May. pic.twitter.com/o9PYXkc2Wd

— Miroslav Lajčák (@MiroslavLajcak) May 4, 2022

Според Курти, на првиот состанок ќе се зборува за две точки: елементите на општата рамка за договорот и актуелните прашања.

Како што вели косовскиот премиер, тој „постигнал два договори со Србија и два пати ги исполнил барањата, но бара и Белград да го исполни својот дел“.

„Кога зборуваме за регистарските таблички, Србија го пропушти рокот во април и сега имаме проблем. Во однос на енергетиката, институциите на Косово за два дена ја регистрираа компанијата Електросевер, која имаше една недела да ни достави свежи податоци за корисниците – што не беше направено ниту по осум недели“ тврди Курти.