Косовскиот премиер Албин Курти смета дека европскиот предлог е добра основа за договор со Србија и дека е подготвен да разговара за договорите постигнати во Брисел, но рече дека не добил соодветни аргументи за формирање на Заедницата на српските општини (ЗСО), објавија косовските медиуми.

Курти рече дека „не смета дека е неопходно да се создаде ЗСО, но оти е подготвен за дискусии за правата на немнозинските заедници“.

Тој додаде дека откако го видел француско-германскиот предлог оттогаш преговараат за постигнување договор.

„Да бидам целосно јасен, на 9 септември го прочитав тој предлог од iPod-от на Лајчак, но немав пишан документ. Тие беа заедно со Јенс Плетнер и Емануел Бон, пратениците на Париз и Берлин. Веднаш забележав дека конечно имаме предлог за договор“, додаде Курти.