Курти ја поништи одлуката на Харадинај и ги преполови платите

Со денешната одлука, платите на премиерот и министрите се преполовуваат, односно се враќаат на нивото од пред одлуката на Харадинај.

Владата на Косово денеска ја поништи одлуката со која претходната влада на Рамуш Харадинај на крајот на 2017 двојно си ги зголеми платите, јави дописникот на МИА од Приштина.

На денешната, втора седница на Владата на Албин Курти од нејзиното формирање на 3 февруари годинава, беше одлучено намалувањето да не се однесува на платите во судскиот систем, кои се законски врзани со оние на министрите.

Со одлуката од 20 декември 2017 година, Харадинај двојно ги зголеми платите на членовите на својот кабинет, а неговата плата, од 1.500, колку што беше дотогаш, порасна на 2.950 евра.

Со денешната одлука, платите на премиерот и министрите се преполовуваат, односно се враќаат на нивото од пред одлуката на Харадинај.

Владата на Курти во продолжение на денешната седница поништи уште неколку други одлуки кои се однесуваат на организационата структура на премиерскиот кабинет.

Меѓу другото, разрешени се седуммината национални координатори кои ги именува Харадинај во текот на неговиот мандат.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот