„Курти е под закана“: Зголемена безбедноста на косовскиот премиер по упатените смртни закани на социјалните мрежи

Албин Курти
Албин Курти / Фото: EPA-EFE/VALDRIN XHEMAJ

Косовскиот премиер Албин Курти добил анонимни закани по животот, по што надлежните владини служби синоќа го зголемија нивото на негово обезбедување, јави дописникот на МИА од Приштина.

Според локалните медиуми, кои се повикуваат на информација добиена од портпаролот на косовската Влада, Прпарим Криезиу, кон премиерот се упатени закани преку социјалните мрежи од лице со лажен профил, кое ветило „парична награда од 35 илјади евра за тој што ќе го убие Курти”.

– Премиерот Курти е под закана. Поради тоа, како мерка на зголемена заштита, подигнато е нивото на негова безбедност. Истражните и безбедносните институции веќе си ја вршат својата работа. Тие ги вршат потребните вреднувања на ситуацијата и ги преземаат соодветните мерки. Од друга страна, премиерот го продолжува својот редовен ангажман, се вели во изјавата на Криезиу.

Медиумите во Приштина јавуваат дека околу куќата во која е сместена резиденцијата на Курти синоќа можеа да се забележат голем број припадници и возила на полицијата.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот