Курти до Пленковиќ: Косово никогаш нема да ја заборави хрватската хуманост

Во писмото до хрватскиот премиер Андреј Пленковиќ, кое го објави владината служба за информирање, косовскиот премиер Албин Курти вели дека брзата реакција на хрватските власти во пружањето лекарска нега на повредените и грижата за другите патници од превртениот косовски автобус „ги одразува највискоите вредности и племенитото срце на хрватскиот народ”.

– Вашето самопожртвувано залагање и на институциите на Вашата држава за да им ја пружите сета потребна грижа на нашите сонародници ги допре длабоко нашите срца. Народот и Владата на Република Косово никогаш нема да го заборават овој чин на хуманост и солидарност со нашата трагедија. Со најголема почит, ве уверуваме дека Република Косово секогаш ќе ги има срцето и вратата отворени за пријателите како вас – се вели во писмото на Курти до Пленковиќ.

Автобус со косовски регистерски таблички кој сообраќаше на релацијата Франкфурт – Приштина и пренесуваше Косовари кои се на печалба во Германија, минатата недела на 25 јули околу шест часот наутро излета од патот и се преврте во близина на Славонски Брод, при што загинаа 10 лица, а повеќе од 40 беа повредени. На возачот на автобусот, за кој се претпоставува дека заспал додека возел, хрватските власти му одредија 30-дневен притвор.

Видео на денот