Претседателот на Движењето Самоопределување, Албин Курти, денеска изјави дека нема да се сретне со претседателот на Демократската лига на Косово, Иса Мустафа.

– Се подговтуваме да владееме добро. Што се однесува до разговорите со ДЛК, не може да има нови вести без да имаме конкретни резултати. Ова сум ви го кажал и порано и го повторувам сега. Денеска нема да има средба, но ќе продолжиме да комуницираме и да се среќаваме сѐ додека не го постигнеме посакуваниот договор. Кога ќе имаме конкретни резултати, ќе кажеме. Претседателот на Косово даде време до 26 декември, кога е крајниот рок да се формира собранието – истакна Курти.

Инаку, во текот на вчерашниот ден се одржа нова средба помеѓу двјацата лидери, Курти и Мустафа, но и таа средба заврши без договор за формирање на владата.