Курти: Ако нема договор со Демократската Лига на Косово одиме на нови избори
Претседателот на Движењето Самоопределување, Албин Курти, изјави дека ако нема договор со Демократската Лига на Косово за формирање влада, тогаш ќе се оди на нови избори.
Во интервју за државната телевизија (RTK), тој истакнa дека на Самоопределување му одговараат нови избори, затоа што поддршката после победата на изборите на шести октомври е зголемена. Но, според него, тоа не е целта на Движењето Самоопределување.
-Се водам од општиот интерес, од државниот интерес, кој што вели дека што побрзо треба да се формира влада помеѓу Движењето Самоопределување и Демократската Лига на Косово-изјави Курти.
Тој рече дека на средбите со Иса Мустафа не се разговарало за конкретни имиња за позицијата- Претседател.
Курти, вели дека има многу имиња кои би можеле да бидат кандидати за претседател. Според него, најважно е да се избере премиер, спикер и 12-те министри и после тоа да се разговара за тоа кој ќе биде новиот претседател на Косово.