Курдите бараат хуманитарен коридор за евакуација на цивилите – Слободен печат
ВестиПланета

Курдите бараат хуманитарен коридор за евакуација на цивилите

Во турската офанзива, што почна на 9 октомври, загинаа најмалку 72 цивили и 203 борци на Сириските демократски сили.

Курдските власти во североисточна Сирија денеска побараа да се воспостави хуманитарен коридор за евакуација на цивилите и повредените од градот Рас ал Аин, кој е опкружен од турските сили и се обидуваат да го преземат од курдските сили.

Барањето е упатено до меѓународната коалиција предводена од Вашингтон, партнер на курдските сили во борбата против Исламска држава, но и до Русија, која е сојузник на режимот на сирискиот претседател Башар ал Асад.

Во турската офанзива, што почна на 9 октомври, загинаа најмалку 72 цивили и 203 борци на Сириските демократски сили.

Турција објави дека во Сирија загинале шест турски војници, а 20 цивили се убиени во пограничните градови во престрелки со курдските борци.

Курдските власти во Сирија ја обвинија Турција за употреба на неконвенционално оружје во северниот дел од земјата, а Анкара демантира.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close