Курц за политиката кон мигрантите: Отворањето на границите пред пет години беше грешка

Австрискиот канцелар Себастијан Курц,  во интервју за германската новинска агенција ДПА, ја оквалификува како грешка одлуката на Ангела Меркел да ги отвори границите за бегалците пред пет години.

– Уште на самиот почеток бев против политиката на отворени граници. Политиката на отворени граници не само што придонесе за големиот број луѓе да се упатат кон Европа, туку и доведе до огромно преоптоварување во многу делови на централна Европа, рече австрискиот канцелар Себастијан Курц. кој служеше како министер за интеграција во времето на бегалската криза.

Тој рече дека поради политиката на отворени граници, криумчарите на луѓе „заработиле огромни суми” и дека во исто време „безброј” луѓе ги загубиле своите животи обидувајќи се да го преминат Медитеранот.

Прочитајте и...  Изминатите 24 часа хоспитализирани 44 нови пациенти во ковид центрите во Скопје

Австрискиот канцелар потсети дека поради неговиот тогашен став бил нападнат и истуркан во „крајниот десен агол”, но дека тој, како тогашен министер за интеграција, бил свесен дека интеграцијата зависи од бројот на новодојденците.

– Среќен сум што пет години по бегалската криза, Европа има сосема поинаква политика, рече Курц за ДПА.

Тој го отфрла предлогот на Германија за реформа на системот за азил во рамките на ЕУ, кој предвидува прифатни центри на надворешните граници на Унијата од каде што бегалците би биле преместени во земјите-членки.

– Мислам дека распределбата низ Европа нема да функционира затоа што повеќето членки на тоа гледаат со скепса, рече Курц.

Тој додаде дека треба да се земе предвид дека сè повеќе луѓе доаѓаат преку централната медитеранска рута од економски причини, пред сè од Тунис.

Прочитајте и...  Амбасадата на САД на Твитер објави дел од писмото на Рикер до Заев

– Тоа не се вистински бегалци, туку мигранти од економски причини, заклучи Курц и додаде дека не смее да се дозволи турскиот претседател Реџеп Тајип Ердоган да ги користи бегалците за да ја уценува Европа.

Поврзани вести

Премиерката Старџон најавува: Идната есен нов референдум за независност на Шкотска

Слободен печат

Шеесет годишен пациент со ковид-19 скокнал од третиот кат на болницата во Тирана

Слободен печат

480 лицазаболени од Ковид-19 се лекуваат во Скопје, 816 во болниците низ Македонија

„Епл“ во Италија е казнет со 10 милиони евра

Слободен печат

Ангеловска-Бежоска: Монетарната политика останува релаксирана за поддршка на економското закрепнување

Слободен печат

Состојба со ковид капацитетите во главниот град: За 24 часа во Скопје се хоспитализирани 38 пациенти

Слободен печат

Остави Коментар

MacedonianAlbanian