Во денешното интервју за дневниот весник „Клајне цајтунг“, сојузниот канцелар на Австрија Себастијан Курц ги урна надежите за брзо олабавување на ограничувањата по истекот на затворањето на земјата.

– По 7 декември, ќе мора да живееме со силни ограничувања. Во никој случај нема да се преземат избрзани чекори за олабавување на мерките. На сите мора да им биде јасно дека ќе живееме со одредени ограничувања со недели и месеци, откри канцеларот.

Според Курц, целта е внимателно укинување на мерките на 7 декември, а училиштата и трговските објекти повторно да работат. „Сепак, ова зависи од бројот на заразени. Колку е повисок, толку потешко ќе биде да се преземат чекори за отворање“, додава Курц.

Во интервјуто, тој истакна дека треба да се стори се за да се спречи трето затворање. Голема шанса за постигнување на оваа цел Курц гледа во масовните тестирања за антитела закажани за декември, кои можат да ги лоцираат заразените и да спречат нови инфекции.