Курц: Откажан годишниот бал во виенската опера поради ковид-19

Фото: EPA-EFE/ALESSANDRO DELLA VALLE

Познатиот годишен бал во операта во Виена што беше планиран за февруари, нема да се одржи поради коронавирусот, соопшти денеска австриската Влада.

Традиционалниот настан што во разни облици постои од 1814 година, кога е организиран за забава на аристократијата за време на војните со Наполеон, за последен пат беше откажан во 1991 година, а причина тогаш беше Заливската војна.

По денешната седница на Владата, канцеларот Себастијан Курц пред новинарите соопшти дека „би било неодговорно да се организира балот поради ситуацијата со ковид-19“.

Балот кој требаше да се одржи на 11 февруари е еден од најважните монденски собири на европската политичка, економска и уметничка елита.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот