Курбан бајрам во Грција се празнува со посебни заштитни мерки

Оваа година, поради пандемијата, забранети се молитви на јавни места, а општините доколку претходно дале дозвола, треба да ја поништат одлуката.

Дозволено едно лице на пет метри квадратни со меѓусебно растојание од еден и пол метар во внатрешноста на џамиите; забрана за молитви на јавни места како и забрана за собирања на над 10 лица во домовите; во дворовите на џамиите дозволени се најмногу десет лица, а секој од нив задолжително да носи маска, се дел од мерките кои ги соопшти заменик-министерот за цивилна заштита на Грција Никос Хардаљас во пресрет на Курбан бајрам, јави дописничката на МИА од Атина.

Хардаљас потсетува дека согласно мерките што се во сила за религиозните објекти, доколку џамиите се поголеми од 500 метри квадратни, дозволени се 100 лица.

Дополнително, додава додека секој верник треба да има своја простирка за молитва.

Оваа година, поради пандемијата, забранети се молитви на јавни места, а општините доколку претходно дале дозвола, треба да ја поништат одлуката.

– Секако, ракувањата, бакнувањата раце, прегрнувањата и бакнувањата ја зголемуваат веројатноста за пренесување на болеста и затоа треба да се избегнуваат. Ранливите групи треба да останат дома. Молењето дома е најбезбедниот начин да се исполнат верските должности, а во исто време се заштитува и здравјето. Исто така, забрането е и собирање на над 10 лица на празнични ручеци или вечери, соопштува заменик-министерот за цивилна заштита и на муслиманите во Грција им го честита празникот, порачувајќи им да бидат внимателни за „денот на радост и посветен на Бог да не се претвори во причина и извор на пренесувањето на коронавирусот”.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот