Купот на Италија за Елмас и Наполи, Јувентус падна во пенал серијата
Македонскиот репрезентативец Елиф Елмас го освои првиот трофеј во дресот на Наполи, Купот на Италија откако во финалето беше подобар од Јувентус и тоа по подобро изведување на пенали.
Napoli are the Coppa Italia champions! ?
Gli Azzurri have won it for the sixth time ? pic.twitter.com/brxPIqIdb3
— Football on BT Sport (@btsportfootball) June 17, 2020
Натпреварот во регуларниот дел заврши без голови по што веднаш започна пенал рулетот каде „наполитанците“ се покажаа како подобри изведувачи на ударите од белата точка.
Јувентус преку Дибала и Данило ги промаши првите два удари од белата точка, додека Наполи беше сигурен во реализацијата и благодарение на Инсиње, Политано, Максимовиќ и Милик, успеа да дојде до шестиот трофеј во историјата.
Македонскиот репрезентативец влезе во игра во самиот финиш, во 88. минута и тоа на местото на Пјотр Зјелински.