Денеска се одиграа осминафиналните натпревари во Купот на Македонија, во дел од нив се случија неколку изненадувања, а во другите екипите ги оправдаа своите фаворитски улоги.

Вардар уште една сезона е елиминиран во раната фаза од натпреварувањето, денеска тренерот Александар Васоски им даде шанса и на помладите, во првиот дел скопските „црвено-црни“ имаа неколку шанси за погодок, а во второто полувреме поточно во 86 минута Мартинага се најде во добра можност да постигне гол, но беше блокиран.

И кога не се реализираат шансите, вообичаено стигнува казната, тоа го направи Академија Пандев во самиот финиш од средбата. Екс членот на Вардарци, Серафимов после изведе корнер беше осамен и ја смести топката во мрежата на Игески за конечни 1:0 и пласман на неговиот клуб во четвртфиналето.

И Работнички е елиминиран во осминафиналната фаза, откако во регуларните 90 минути мрежите мируваа, во пенал серијата „романтичарите“ загубија на пенали од Струга Трим Лум со 4:3.

Шкендија продолжува успешно во Купот, со голот на Тотре тетовскиот клуб успеа да триумфира над Гостивар (1:0).

Куп на Македонија

Осминафинале, резултати –

Академија Пандев-Вардар 1:0
Брегалница Штип-Беласица 0:1
Кожуф-Силекс 1:3
Македонија ЃП-Саса 6:0
Ренова-Пелистер 2:2 (6:5, пенали)
Шкендија-Гостивар 1:0
Шкупи-Кит Го 5:0
Струга Трим Лум-Работнички 0:0 (4:3, пенали)