Куп на Македонија: Суперлигашите продолжија со убедливите победи
Суперлигашите продолжија со убедливите победи во првата рунда од Купот на Македонија.
Денес победи запишаа Еурофарм Пелистер 2, Охрид и Струга со што се пласираа во следната фаза.Битолскиот состав на домашен терен беше подобар од Шампион со 41:12. Треба да се знае дека гостите во Битола пристигнаа со десет ракометари и немаа сили да парираат на расположениот тим на Александар Јовиќ. Самоил Ристовски беше најефикасниот со десет гола.
Победа од 21 гол разлика запиша и Охрид против Младост (41:20). Од самиот почеток „Гладијаторите“ наметнаа силен ритам кој Младост не можеше да го издржи. Најмногу од суперлигашите се измачи Струга која славеше со Македонија Ѓорче Петров со 41:32.
КУП НА МАКЕДОНИЈА – Прво коло
РК Јехона – РК Бутел Скопје (30-53)
РК Вардар Неготино – РК Партизан 2016 Спорт (40-16)
ГРК Тиквеш 2014 – РК Кичево 2020 (46-20)
РК Јуниор К.В – РК Драчево (28-23)
РК Алкалоид – РК Астраион Хендбол (42-15)
РК Голден Арт КЛ7 – РК Овче Поле 1958 (47-13)
РК Аеродром – РК Пролет 62 (33-35)
РК Младост 1977 – ГРК Охрид (20-41)
РК Скопје 2020 – РК Бисинов Фруит Ленд
РК Радовиш – РК Преспа 2015 (34-21)
РК Вардар 1961 – РК Мулти Есенс 43-18
РК Еурофарм Пелистер – РК Текстилец 45-19
РК Струга – РК Македонија Ѓорче Петров 41-32
РК Еурофарм Пелистер 2 – РК Шампион 41-12
РК Прилеп – РК Металург РА 36-22
МРК Куманово – РК Голден Арт 2 (недела)