Кумановските пчелари загрижени, мед речиси и да нема годинава

Кумановските пчелари ја оценуваат годинава како исклучително тешка, со минимално произведени количини мед кои не се доволни за опстанок на пчелите за зимскиот период кој почнува август-септември за оваа гранка, информираа денеска надлежните од локалното здружение на пчелари „Пчела” од Куманово.

Климатските промени драстично го намалија производството на мед. Средина на јули е, и временските услови не дозволуваат пчелите да собираат мед. Пчеларската сезона воопшто не била поволна за пчелите, појаснуваат пчеларите. Во пролетните месеци кога почнува сезоната немаше ниту доволна влага, ниту во почвата, ниту во воздухот, имаше ветер, немаше соодветна температура што придонесе за ваква исклучително лоша година. Производство речиси и да нема, не останува ниту вишок кој би можел да се пласира на пазарот. Годинава, локалниот пазар ќе се задоволува со производството од претходните години.

Прочитајте и...  Сијарто: Што и да се случи во Западен Балкан, ќе има непосредно влијание врз Унгарија

– Оваа година е катастрофална за кумановскиот регион тоа го потврдуваат различни пчелари кои произведуваат во различни микроклиматските подрачја во Куманово и околината кои и самите ја оценуваат годината како катастрофална. Нас пандемијата директно не нè погоди, меѓутоа климатските промени нè дотолчија. Се бориме со сите сили да опстанат пчелите, со прихрана, со резерви од претходни количини за да може пчелите да опстанат. Веќе не разговараме за произведени количини мед, туку за опстанок на пчелите-изјави претседателот на здружението „Пчела” од Куманово, Горан Митевски.

Оваа година мед, тешко дека ќе се собере, појаснуваат пчеларите. Можно е во некој микроклиматски регион да се извади одредена количина, но таа нема да биде ниту на некое средно ниво во однос на претходните години. Единствено, добро е појаснува Митевски е што има интерес и кај помладата популација да се занимава со оваа гранка.

Прочитајте и...  Путин жестоко ги осуди нападите во Ница: Терористите немаат човечки морални вредности

– Нè радува и интересот на учениците во средното „Киро Бурназ” во Куманово кои преку земјоделско-ветеринарната струка можат во редовната настава да научат и практично да го применуваат знаењето при одгледување на пчели-додава Митевски, кој воедно е и професор во ова училиште.

Во здружението има 80 членови, поради пандемијата, здружението не организира никакви акции, освен хуманитарната во април во која беа донирани количини за потребите на здравствениот персонал за кумановската болница во најкритичниот период, на денот на здравството.

Поврзани вести

ВИДЕО: НОВИ ДЕТАЛИ – Напаѓачот што Франција ја обви во црно пристигна со воз од Италија со документ на Црвен крст

Илинка Иљоска

ВИДЕО: Шеријатската сопруга на озлогалсениот ИСИС-овец Лавдрим Мухаџери се исповеда пред јавноста

Илинка Иљоска

„Маската на Меркел е кинески фејк“: Експертите тврдат дека еден детал недостасува

Слободен печат

ВИДЕО: Парите тука често паѓаат од небо: Кинез фрлал банкноти од зграда, но брзо бил уапсен поради мотивот

Слободен печат

Над 45 милиони луѓе во светот се заразиле со коронавирус

Слободен печат

ВОЗНЕМИРУВАЧКО ФОТО: Успешно оперирана циста на матка тешка 90 килограми – хирурзите од ГАК и го спасија животот на 45-годишна жена

Слободен печат

Остави Коментар