Кумановци успеаја на време да ја платат првата рата од долгот кон МКФ, поради кој претхотно со службени 20:0 загубија од Кожув, но не успеаја да се спасат од пораз од Блокотехна. Во петтото коло од Суперлигата, Блокотехна како гостин до убедливи 80:65 го совлада Куманово и дојде до третата позиција на табелата.

Куманово беше рамноправен противник само во првите 10 минути кои ги реши во своја корист со 21:17, но потоа натпреварот мина во знакот на кошаркарите на Блокотехна. Со серијата од 23:7 дојдоа до водство од 30:22 и до крајот без никакви проблеми ја одржуваа предноста.

Кенет Фунденбург со 19 поени и Божо Ѓумиќ и Брендон Пен со по 18 поени беа најрасположени за игра во победничкиот тим, додека Ѓекиќ со 21 поен беше најпрециен кај Куманово.