Куманово без проблеми, Петровски како во најдобрите денови
Во второто коло од најдобрата кошаркарска лига нема изненадувања, денеска сите извојуваа победи, откако тоа вчера го направи шампионот МЗТ и без најискусните исто бодови освоија уште Кожув, Еуро Никел и Куманово.
Во Кавадарци, Јане Петровски со седум тројки од осум обиди и девет асистенции, потсети на своите најдобри денови и беше најзаслужен за убедливата победата над Пелистер.
Младиот тим на ФМП Академија водеше на полувреме, но искуството на кумановци исплива на површина, па и во Кисела Вода немаше неизвесност.
Во победничките редови доминираа Давид Миладиновиќ со 22 поени (осум скока) и капитенот Марјан Јанески со 21 поени (11 скока, пет асистенции).
Резултати, второ коло: МЗТ Скопје Аеродром – МЗТ Скопје Уни банка 108:77, Вардар – Кожув 64:85, Еуро Никел – Пелистер 92:63, ФМП Академија – Куманово 80:93.
В недела од 18.00 часот се игра дербито Работнички – Гостивар.