Кулушески го спаси Јувентус од пораз, браќата Инсиње испишаа историја во Серија А (ВИДЕО)
Фудбалерите на италијанскиот шампион освоија само бод во Торино против Верона во рамките на петтото коло до Серија А.
Јувентус не успеа да ја победи Верона, одигра 1:1 и по трет пат во петте кола ремизира со што уште еднаш покажа колку му недостасува Кристијано Роналдо кој е позитивен на коронавирус.
„Старата дама“ со девет бода се наоѓа на делба на петтото место со Аталанта и Сампдорија, додека Верона има бод помалку.
Фудбалерите на Јувентус беа подобри во поголем дел од натпреварот, но беа приморани да бркаат негатива. Верона поведе во 60. минута со голот на Андреа Фавили по одличната асистенција на Заканџи. По примениот гол, тренерот Андреа Пирло нареди тотална офанзива и тоа вроди со плод во 78. минута кога Македонецот со шведски пасош, Дејан Кулушевски постигна гол.
Петтото коло од Серија А го одбележаа браќата Инсиње, Роберто и Лоренцо кои играат за Беневенто односно Наполи.
Токму во меѓусебната пресметка тие остварија неверојатно постигнување, и двајцата постигнаа гол, што е прв случај во историјата на Серија А, двајца браќа кои играат еден против друг да постигна гол на ист натпревар.
Помладиот од браќата, Роберто во 30. минута му донесе водство на Беневенто, но Наполи направи пресврт во второто полувреме. Лоренцо Инсиње во 60. минута израмни на 1:1, а седум минути подоцна, Андреа Петања погоди за три бода за Наполи.
Резултати:
Калјари – Кротоне 4:2
Беневенто – Наполи 1:2
Парма – Специа 2:2
Фиорентина – Удинезе 3:2
Јувентус – Верона 1:1