Кулеба: Ако Минск го признае Крим за дел од Русија, тоа неповратно ќе ги наруши белоруско-украинските односи
Доколку Белорусија го признае Крим како дел од Русија, тоа ќе им нанесе непоправлив удар на украинско-белоруските односи, изјави денеска шефот на украинската дипломатија Дмитриј Кулеба.
Ќе ги проценуваме неговите постапки (на Лукашенко). Доколку Белорусија навистина ја призне незаконската окупација на Крим од страна на Русија, тоа ќе им зададе непоправлив удар на украинско-белоруските односи. Ние ќе делуваме сеопфатно, рече Кулеба во Рига, каде се одржува состанокот на министрите за надворешни работи на земјите членки на НАТО.
Тој, исто така, додаде дека Крим не е прашањето „каде Украина може да си дозволи да биде воздржана”.
Претходно белорускиот претседател, Александар Лукашенко, изјави дека неговото заминување на Крим ќе значи признавање на полуостровот како дел од Руската Федерација, додавајќи дека од руска страна очекува покана за посета на Крим со конкретен датум