Крушево домаќин на Светско првенство во параглајдерство – Слободен печат
ОстанатoСпорт

Крушево домаќин на Светско првенство во параглајдерство

Ова е можност за промоција на спортот, природните убавини на Крушево и Пелагонискиот регион, се повикуваат сите заинтересирани да бидат дел од овој настан.

Одржувањето на 16 ФАИ Светско првенство во параглајдерство, на кое домаќин ќе биде градот Крушево и Пелагонискиот регион беше најавено на прес конференција во просториите на Агенцијата за млади и спорт.

Свое обраќање имаше директорот на АМС, Дарко Каевски, претседателот на Воздухопловната федерација на С. Македонија, Владимир Бараковски и градоначалникот на Крушево, Томислав Христовски.

– Агенцијата за млади и спорт во соработка со Воздухопловна федерација и Општина Крушево во изминатиов период беа организатори на повеќе меѓународни натпревари во параглајдерство, што условија и добивање на организација на натпревар во параглајдерство од светски размери – истакна директорот на Агенцијата за млади и спорт Дарко Каевски.

Светското првенство ќе се одржи од 5-18 Август со учество на 150 пилоти од 49 нации, а нашата репрезентација ќе биде составена од тројца успешни летачи.

Градоначалникот на Општина Крушево ги повика сите заинтересирани да го посетат градот кој е дел од мапата на „Спортски авантуристички туризам”.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close