Крстевски: Секоја чест за Шпанија, но ние не се предаваме

Бојан Крстевски и Теодор симиќ

Кошаркарската репрезентација на Македонија в петок со натореварот против актуелниот светски шампион Шпанија ги започнува квалификациите за пласман на Свесткото првенство кое ќе се одржи 2023 година.

Самиот податок што светскиот шампион е противник во првото коло, е доволна мотивација за кошаркарите да го дадат максимумот.

На дуелот со Шпанија, репрезентацијата има нов капитен, Бојан Крстевски.
– Имавме пократок временски период за разлика од летото и имаме една изменета екипа. Не сме комплетни,но тоа мора да го оставиме зад нас и да се фокусираме на она што го имаме сега. На нас е да излеземе максимално ангажирани и борбени, да ги исполниме задачите на селекторот и да се претставиме во најдобро светло. Секоја чест за Шпанија, но ние не се предаваме – изјави Крстевски на прес-конференцијата.

И младиот 18-годишен кошаркар, Теодор Симиќ треба да биде еден од носителите на играта на репрезентацијата во наредните 10-15 години, размислува слично како и капитенот. 
– Се надевам на еден добар натпревар. Ќе бидеме максимално мотивирани против Шпанија и ќе се потрудиме да го дадеме најдоброто од себе, да одиграме што подобро и да извлечеме што е можно подобар резултат против квалитетна селекција како што е нашиот следен ривал. Нема предавање – вели Симиќ кој игра за младиот тим на Барселона.

 

Видео на денот