Бојан Крстевски кој ќе биде еден од носителите на играта на македонската кошаркарска репрезентација, е оптимист дека националниот тим успешно ќе ги помине претквалификациите за пласман на СП.

– Сигурно нема да биде лесно, никогаш ништо не е лесно. Сепак, имаме четири недели за подготовки, ќе одиме и во Маврово. Ова е комбиниран состав, имаме неколку млади кошаркари, неколку повозрасни и сметам дека ваквата комбинација може да донесе добар резултат во овие претквалификации – вели Крстевски кој миниатата сезона ја освои двојната круна со МЗТ Скопје.

Крстевски е добро запознат со противниците на турнирот во Скопје, планиран да се одржи во периодот од 12. до 18.август.
– Ги знаеме противниците, игравме со нив во едни претквалификации, но сега нашиот состав е доста изменет. И покрај тоа, имаме квалитет да освоивме едно од првите две места и да продолжиме во квалификациите – рече Крстевски пред утринскиот тренинг во СЦ „Јане Сандански“ во Скопје.