Кривокапиќ: Ја споделувам мојата тага со граѓаните на Северна Македонија и Бугарија
Премиерот на Црна Гора Здравко Кривокапиќ денеска изјави дека споделува огромна тага со премиерите и граѓаните на Северна Македонија и Бугарија поради автобуската несреќа кај Софија во која загинаа 46 лица, главно патници од Северна Македонија.
– Затекнат сум од трагичната вест дека недалеку од Софија се случи тешка сообраќајна несреќа во која загинаа најмалку 46 лица, главно граѓани на Северна Македонија. Споделувам неизмерна тага со премиерите и сите граѓани на двете пријателски земји, напиша Кривокапиќ на Твитер.
Затечен сам трагичном вијешћу да се недалеко од Софије десила тешка саобраћајна несрећа, у којој је страдало најмање 46 особа, већином грађана Сјеверне Македоније. Са премијерима и свим грађанима двије пријатељске земље, дијелим неизмјерну жалост!
— Zdravko Krivokapić (@profKrivokapic) November 23, 2021
Најмалку 46 лица, повеќето од Северна Македонија, загинаа откако се запали автобус на автопат во западниот дел на Бугарија.
Извор: МИА