Кривокапиќ: За што треба да се извинам на Вучиќ?
Политичката судбина на Мило Ѓукановиќ и Душко Марковиќ ќе биде онаква како што тие заслужуваат. И тоа не го вели Здравко Кривокапиќ, туку тоа не учи искуството од останатите земји во светот, вели Здравко Кривокапиќ, во интервју за порталот Нова.рс, а пренесуваат Вијести.ме.
Сите пратеници на новото парламентарно мнозинство во црногорското собрание на 23 септември го предложија Кривокапиќ носител на листата на „За иднината на Црна Гора“ за нов премиер.
„Од мене се бара извинување за претседателот на Србија, Александар Вучиќ, а јас прашувам за што треба да се извинам? Христијанин сум, велам извини, кога ќе згрешам. Наместо извинување, го повикувам раководството на Србија да соработуваме, повторно да го градиме она што некои го рушеа во изминатите 30 години“, истакна Кривокапиќ.
Според неговите зборови, новата Влада во Црна Гора ќе мора пред се да анализира каков товар и оставила заминувачката власт, и дека за Црна Гора е од исклучителна важност да ги негува братските односи со Србија.