Кривични пријави за дебрани кои вршеле јавен превоз без лиценца

Сообраќај / Фото: Архива на Слободен печат

Двајца дебрани и правно лице за вршење јавен превоз со седиште во Дебар заработија кривични пријави поради вршење јавен превоз без лиценца.

– Дебарското одделение за внатрешни работи поднесе кривична пријава против Д.Ш.(45) и Б.Л.(33), двајцата од Дебар, како и против правно лице за вршење јавен превоз со седиште во Дебар, поради постоење основи на сомнение за сторено кривично дело „вршење јавен превоз без поседување лиценца”, информираше Стефан Димоски портпарол на Секторот за внатрешни работи од Охрид.

Според него, при контрола извршена во Дебар на 25-ти минатиот месец, полициски службеници констатирале дека Б.Л. вршел јавен превоз на патници без да поседува соодветна лиценца за таа дејност и дека бил ангажиран од правното лице и Д.Ш. како одговорен во правниот субјект.

Претходно кривична пријава беше поднесена против А.К(52) од Дебар, поради идентични основи на сомнение за сторено казнено дело „вршење јавен превоз без поседување лиценца”. И него на 25-ти минатиот месец при сообраќајна контрола извршена на улицата „22 декември” во Дебар, полициските службеници го затекнале пријавениот како управува патнички автомобил сопственост на неговиот брат и, врши такси превоз на патници без да поседува соодветна лиценца за јавен превоз.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот