Кривични пријави за 22 полицајци заради протерувањето на ѓуленистите од Косово

Косовското Специјално обвинителство потврди денеска дека примило кривични пријави од страна на Полицискиот инспекторат на Косово за 22 полициски службеници во врска со протерувањето, пред повеќе од една година, на шест државјани на Турција, јави дописникот на МИА од Приштина.

Според соопштението за медиуми на косовското обвинителство, и пред покренувањето на кривичните пријави за припадниците на полицијата, во врска со случајот се повикани на распит и други лица за кои постојат индиции дека се поврзани со случајот.

Станува збор за случајот од март 2018 година, познат како „случај ѓуленисти”, во кој шестмина турски државјани, наставен кадар во турски колеџи во Косово, беа депортирани во Турција на барање на властите во Анкара, кои ги сомничат дека се припадници на илегалното „движење ФАТО”. Ова движење, за кое Анкара тврди дека е предводено од верскиот лидер во егзил Фетулах Ѓулен, според турските власти, го организира неуспешниот државен удар во јули 2016 година.

На протерувањето од Косово на наводните ѓуленисти остро реагираа повеќе западни држави, како и голем дел од косовската јавност, а и премиерот Рамуш Харадинај изјави дека немал информации за подготвувањето и извршувањето на операцијата и побара одговорност од организаторите.

Како главен организатор, односно налогодавач на протерувањето, извршено крајно дискретно од страна на косовските служби, во соработка со турските тајни служби, во медимите се споменува косовскиот претседател Хашим Тачи, кому неговиот турски колега Ердоган му изрази јавна благодарност за „кооперативноста”. Истовремено, на Харадинај, кој изрази загриженост поради протерувањата, Ердоган му порача дека „лидерите како него ќе ги смени народот”.

Во јуни минатата година Собранието на Косово основа Истражна комисија за расветлување на случајот, но за сега се уште нема никакви конкретни резултати од истрагата.

Прочитајте и...  Обвинувања од Велика Британија: Кина крие информации за коронавирусот

Прочитај повеќе

ВО ЖИВО: Церемонија на кревање на македонското знаме пред седиштето на НАТО и обраќање на ПВРСМ Спасовски

Слободен печат

Професор од Кавадарци во мисија за изработка и донирање визир маски

Слободен печат

Нови 26 случаи на коронавирус во Македонија: Уште едно лице почина и 9 се излекувани

Слободен печат

Пристапот до тест за коронавирус ограничен, МЗ проверува кои лаборатории исполнуваат услови

Пауновски: Трговците да не манипулираат со цените на јужното овошје

Слободен печат

МНР: Досега организирано враќање на 1.842 граѓани во земјава со авиони и конвои

Слободен печат

Остави Коментар

Прочитај повеќе

Лекар од струмичка болница синоќа одбил да направи интернистичка анкета

Слободен печат

Кен Мекалам е новиот директор на МИ5

Слободен печат

Познатата водителка на Си-Би-Ес почина од коронавирусот

Слободен печат

Вархеи: ЕУ секогаш ќе биде тука за Западен Балкан

Слободен печат

Бројот на смртни случаи во Франција е зголемен за девет отсто

Слободен печат

ВУХАН И ПОНАТАМУ ПОД БЛОКАДА: Веќе 6 дена немаат новозаразени, а во градот владее војничка дисциплина

Слободен печат