Кривични пријави против двајца дилери од Куманово и Делчево
СВР Куманово поднесе кривична пријава против С.М. (24) од Куманово поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурзори“. На 13.01.2019 година околу 15,30 часот на локалниот пат Куманово – село Речица, од полициски службеници, при преглед на патничко моторно возило, управувано од пријавениот била пронајдена и одземена марихуана.
Надворешната канцеларија за криминалистички работи Делчево поднесе кривична пријава против Ј.И.(25) од Делчево поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори”. На 04.08.2018 година во Делчево на улицата „Кузман Јосифовски-Питу”, од полициски службеници, при претрес во домот биле пронајдени и одземени марихуана и мешавина од тутун и марихуана.