Директорка на градинка во Штип, по спроведена постапка за јавна набавка на детски реквизити и монтажа на детски реквизити, уплатила сума од 2,5 милиони денари кон економски оператор, но доставата и монтажата не биле извршени. СВР Штип поднесе кривична пријава протин директорката Н.М (39), поради сомнение за сторени кривични дела „злоупотреба на службена положба и овластување“ и „поперчување на правдата“.

-Пријавената, во својство на вршител на должност директор на општинската јавна установа – Детска градинка во Штип, на 22.12.2022, по спроведена постапка за јавна набавка на детски реквизити и монтажа на детски реквизити, иако доставата и монтажата не биле извршени, таа извршила исплата на економскиот оператор и предизвикала штета на Буџетот на Република Северна Македонија за сума од 2.593.601 денари, соопштија од МВР.