На Непал толку многу му недостасуваат боци за кислород што денес ги замоли алпинистите кои се искачуваат на Монт Еверест да ги донесат своите боци наместо да ги оставаат празни на планината, во време кога Непал се бори со друг бран на пандемија ковид-19.

Државата им даде дозвола на повеќе од 700 алпинисти да се искачат на 16 врвови на Хималаите, од кои 408 на Монт Еверест, за периодот од април до мај, со цел да се започне планинарската индустрија и да се стави туризмот на нозе.

Непалското планинарско здружение (НМА) побара од планинарите да му помогнат на Непал да се справи со зголемениот број на заболени од ковид-19, што го доведе здравствениот систем на работ на колапс.

Шефот на НМА рече дека алпинистите и нивните водичи со себе однеле најмалку 3.500 боци со кислород, кои претежно остануваат закопани во лавината или се оставаат на падините за време на спуштањето по планината.

– Апелираме до планинарите и нивните водичи да враќаат празни боци секогаш кога можат, за да можеме да ги наполниме и да ги користиме за лекување на пациенти со коронавирус, соопшти НМА.

Многу приватни и државни болници во Катманду изјавија дека не можат да примат повеќе пациенти поради недостаток на кислород и нема боци.

– Потребни ни се околу 25.000 боци што е можно побрзо за да ги спасиме луѓето од смрт. Ова е итно, изјави службеникот на Министерството за здравство, Самир Кумар Адихари.