Критичарите со жестоки напади врз Трамп: Америка не е борбено поле, нашите сограѓани не се непријатели (ВИДЕО)
Воведувањето на војска како одговор на протестите кои од Минеаполис се раширија по целата земја и кои понекогаш се насилни, е проблематично.
Американскиот министер за одбрана Марк Еспер го потреби изразот “места на борба“ за ги означи местата каде се одржуваат протести поради убиството на Афроамериканецот Џорџ Флојд. Оваа слика Еспер ја дополни кога се појави во маскирна униформа во центарот на Вашингтон во текот на растурањето на протестите на 1. јуни.
Сега кога Доналд Трамп се повеќе се врти кон милитантната реторика среде превирањата во земјата, војската изгледа дека му дава поддршка на американскиот претседател, која кај многумина предизвика загриженост, пренесува Ројтерс.
Вртењето кон милитантната реторика, со поддршка на војската на САД, предизвика загриженост меѓу поранешните официјални лица кои гледаат опасност во американските вооружени сили, една од најпочитуваните и најдобро финансирани институции во оваа земја.
„Америка не е борбено поле. Нашите сограѓани не се непријатели“, напиша на Твитер Мартин Демпси, пензиониран американски генерал со четири ѕвездички кој ја вршел функцијата шеф на штабот на Заедничките сили.
America’s military, our sons and daughters, will place themselves at risk to protect their fellow citizens. Their job is unimaginably hard overseas; harder at home. Respect them, for they respect you. America is not a battleground. Our fellow citizens are not the enemy. #BeBetter
— GEN(R) Martin E. Dempsey (@Martin_Dempsey) June 1, 2020
Критичарите на Трамп го сметаат за проблематично потпирањето на претседателот на војската, која би требало да биде аполитична, во поглед на решавање на внатрешните прашања во склад со неговата политичка агенда.
Тој и претходно ги користеше воени сили со цел да ги спречи илегалните емиграции и одбрана на изградбата на ѕидот на границата.
Меѓутоа, воведувањето на војска како одговор на протестите кои од Минеаполис се раширија по целата земја и кои понекогаш се насилни, е проблематично.
Во основа на критиките упатени до Трамп се наоѓа идејата дека војската има за цел САД да ја одбрани од странскиот непријател и дека уставот експлицитно ги штити правата на граѓаните кои мирно протестираат.
Дури и шефот на Бирото на Националната гарда призна дека ангажирањето на војската како одговор на внатрешната криза во земјата предизвикува нелагодност и непријатност меѓу нејзините припадници кои неволно се одѕиваат на таа задача.
Националната гарда асистира на протестите
Досега повеќе од 20.000 припадници на Националната гарда се повикани да асистираат во одговорот на властите на протестите ширум земјата.
Марк Еспер и генерал Марк Мајли, шефот на штабот на Заедничките сили, се појавија во понеделникот во придружба на Трамп додека позираше пред црква во близина на Белата куќа држејќи Бибилија во рацете откако солзавец и гумени куршуми се употребени за растерување на демонстрантите кои мирно протестираа.
Трамп потоа одржа говор во кој ги осуди делата на домашен тероризам. Кога состанокот заврши претседателот изразе желба да ги види војниците и Еспер и Мајли тргнаа со него.
После тоа Еспер испрати допис до вработените во министерството за одбрана и ги повика „да останат аполитични во овие турбулетни денови“.
Кори Сејк, експерт за односи меѓу цивилите и војската во САД истакна дека Еспер и Мајли би требало да се сметаа за одговорни за „шокантната одлука“ да се појават во вакво опкружување. Тие донесоа одлука тука да се појават иако повикот на претседателот можеа да го одбијат, истакна Сејк.
Замаглување на разликите меѓу американските граѓани и непријателите на САД
Алис Френд, поранешен функционер во Пентагон рече дека Еспер и Мајли со потреба на термините „места на борба“ ја замаглуваат разликата меѓу американските граѓани и непријателите на САД во воените подрачја.
Еспер коментирајќи ги критиките кои му се упатени одговори дека тој едноставно ја користел терминологијата која навикнал да ја користи како лидер на американската војска.
ПОГЛЕДНЕТЕ: Американците со поддршка за протестите, 55% се против начинот на кој Трамп се справува со кризата (ГАЛЕРИЈА) Гневот од САД се пресели во Европа: Демонстрации во Париз против расната неправда и полициската бруталност (ФОТО+ВИДЕО) Потресен говор на мајката на шестгодишната ќерка на Џорџ Флојд: Тој никогаш нема да ја види како расте (ВИДЕО) Ким Кардашијан сака да го плати лекувањето на девојката застрелана на протестите за Џорџ Флојд (ВОЗНЕМИРУВАЧКО ФОТО) Братот на Џорџ Флојд повика на мирни протести: Јас не дојдов овде да дивеам (ФОТО+ВИДЕО) ВОЗНЕМИРУВАЧКО ВИДЕО: Убиен пензиониран полицаец кој се обидел да спречи грабеж за време на протестите во САД
