Американскиот амбасадор во Белград, Кристофер Хил на својот „Твитер“ профил објави дека српскиот народ „не смее да заборави“ на годишнината од бомбардирањето на НАТО врз Белград и дека тоа било „дипломатски неуспех“, пренесува српска „Нова“.

„Својот живот го посветив на дипломатијата – наоѓање дипломатски решенија за навидум нерешливите проблеми. Во текот на мојата кариера научив дека дипломатијата понекогаш не успева. Кога тоа ќе се случи, резултатите може да бидат трагични. Им изразувам лично сочувство на семејствата на оние кои ги загубија животите за време на војните во 1990-тите, вклучително и оние кои се резултат на воздушната кампања на НАТО. Знам дека српскиот народ никогаш нема да го заборави тоа страшно време, ниту треба“, напиша Хил.

I’ve dedicated my life to diplomacy – to finding diplomatic solutions to seemingly intractable problems. In the course of my career, I’ve learned that sometimes diplomacy fails.  When it does, the results can be tragic. (1/4)

— Ambassador Christopher R. Hill (@usambserbia) March 24, 2023

„Српскиот народ никогаш нема да ја остави својата тага настрана, но верувам дека е доволно силен да го направи тоа. Посветеноста на САД на нашето партнерство со Србија е непоколеблива, како и нашата посветеност на дипломатијата. Заедно можеме да изградиме подобра иднина која српскиот народ ја заслужува и ја посакува за идните генерации“, заклучи Хил.