Кристоф Галтие е доктор за ПСЖ: Лани им ја зеде титулата, а сезонава со Ница не прими гол на три натпревари

фото: EPA-EFE/SEBASTIEN NOGIER

Фудбалерите на ПСЖ доминираат во фанцуската Лига 1, но имаат проблем кога треба да играат против екипите кои ги предводи Кристоф Галтие.

Француските медиуми сметаат дека Галтие е „криптонит“ за ПСЖ и го сметаат за најдобар тренер кој работи во Лига 1, подобар дури и од Маурисио Покетино кој седи на клупата на „светците“.

Минатата година, Галтие од просечниот тим на Лил направи шампион на Франција, а кога управата не му вети дека проектот ќе продолжи и нема да ги продава најдобрите играчи, тој си замина.

Галтие ја избра Ница и повторно прави чуда. Иако титулата е резервирана на ПСЖ, „светците“ имаат кошмари кога треба да играат против екипата предводена од Галтие.

Сезонава, ПСЖ не успеа да победи ниту ниту еден од трите натпревари против Ница. Во првиот дел од сезоната во Лига 1, натпреварот заврши без голови, потоа Ница успеа да го исфрли ПСЖ од Купот по подобро изведување на пенали.

Вчерашниот натпревар заврши со минимален триумф на Ница која се искачи на второто место на табелата со 49 бода, дури 13 помалку од лидерот ПСЖ, но два повеќе од Олимпик Марсеј.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот