Кристијано Роналдо се откажува од 3,8 милиони евра!
Португалската фудбалска ѕвезда на италијанскиот шампион Јувентус уште еднаш ја покажува својата хуманост и во екот на ширење на болеста Ковид-19.
Фудбалерите на Јувентус се согласија да се намалат платите со цел да се избегнат отказите поради кризата предизвикана од пандемијата на коронавирусот.
Први тоа го направија првата ѕвезда на италијанскиот фудбалски шампион, Кристијано Роналдо и капитенот Џорџо Кјелини, а потоа и сите останати играчи и целото раководство на клубот од Торино.
Cristiano Ronaldo se baja la ficha 3'8 millones según Tuttosport https://t.co/6ycgkivpva
— NoticiasNQN.com.ar (@nqn_noticias) March 28, 2020
Еден од најдобрите играчи на светот, Роналдо има заработка од 31 милион евра, а сега Португалецот одлучи да се откаже од 3,8 милиони евра за за да може да има тековна исплата на персоналот кај „Старата дама”, според „Тутоспорт“.
Така уште еднаш Роналдо ја покажува својата хуманост и во екот на ширење на болеста Ковид-19. Заедно со неговиот менаџер Хорхе Мендеш донираа голема количина на медицинска опрема за болниците во Порто и во Лисабон.
Болницата Санта Клара во Лисабон доби 10 кревети со респираторни машини, ЕКГ монитори, пумпи за инфузија и инјекции, а за болницата Санто Антонио во Порто донираа 15 кревети за интензивна нега, респиратори, ЕКГ монитори и останата опрема.