Околу четири часот попладне се урна кран во пристаништето во северниот германски град Росток, соопшти полицијата.

Пет лица се полесно повредени кога дел од кранот падна на брод во кој, во моментот на несреќата , имало 120 лица.

Инцидентот се случил при тестирање на кранот, што бил прикачен на бродот.

Портпаролот на полицијата изјави дека спасувачките служби ги однеле повредените во болницата во Росток.

Противпожарната бригада е на должност со сите расположиви служби за итни случаи, амбулантни возила, лекари, па дури и противпожарен брод.

Покрај хеликоптер, полицијата ја вклучи и крим службата, како и голем број патролни автомобили, водната полиција и единицата со полициски кучиња.