Креветите на Јанева, облеката и чантите на Боки 13 СЕ ПРОДАВААТ
Се продаваат креветите на поранешната специјална јавна обвинителка, Катица Јанева, кои се одземени од обвинителството за случајот „Рекет“. На Бојан Јовановски, познат во јавноста како Боки 13, покрај мебелот, на продажба му е личната гардероба и чантите, открива директорот на Агенцијата за управување со одземен имот, Фатон Асани за „Вечер“.
– На Катица Јанева и се одземени неколку кревети, а на Бојан Јовановски мебел, лична гардероба и чанти. Парични средства, вили и станови не им се одземени. Ние сме известени само за овие работи и истите сме ги одзеле, а за другите предмети постапката сè уште трае. Овие работи им се одземени и се доставени од страна на Основното јавно обвинителство за гонење на организиран криминал, а ние како Агенција за управување со одземен имот имаме обврска истите да ги сместиме, чуваме и продаваме – рекол Асани.