Кремљ: Путин и Ердоган разговараа за решавање на ситуацијата во Нагорно Карабах
Претседателите на Русија, Владимир Путин и на Турција, Реџеп Тајип Ердоган телефонски разговараа за решавање на ситуацијата во Нагорно Карабах. Во јануари годинава, двете земји отворија заеднички центар за контрола на примирјето во областа, а за нејзината работа дискутираа и меѓу шефовите на двете држави.
Според прес-службата на Кремљ, двајцата лидери разговарале и за ситуацијата во Сирија, нагласувајќи ја конструктивната природа на соработката меѓу двете земји за решавање на тамошната ситуација. Изразен е став за понатамошна координација на работата со цел унапредување на дијалогот во рамките на Уставниот комитет, како и за бескомпромисна борба против единиците на терористичките групи во голем број региони на земјата, пренесува ТАСС.
Во однос на Либија, Путин и Ердоган се согласија да продолжат да ги поддржуваат напорите на владата на национално единство за зачувување на интегритетот на земјата, земајќи ги предвид интересите на најголемите политички сили и региони.
Двајцата лидери разговараа и за можноста руската вакцина против коронавирус Спутник В да се произведува во турски компании, како и за испораката на препаратот во Турција во текот на мај.