Меѓународниот ден на жената постои во различни форми низ целиот свет повеќе од 100 години. Секоја година 8 март претставува глобално славење на жените и нивните достигнувања.

Денеска е ден кој е обид за подигање на свеста за прашањата што ги засегаат жените ширум светот, истакнувајќи ги иницијативите и кампањите насочени кон подобрување на животот на жените и зголемување на родовиот паритет – еднаквост помеѓу мажите и жените.

Главните цели на Меѓународниот ден на жената се „славење на достигнувањата, подигање на свеста за еднаквоста на жените и родова рамноправност.

Дали сте знаеле дека официјалните бои поврзани со Меѓународниот ден на жената се виолетовата, што претставува правда и достоинство, зелената која ја претставува надежта, и белата како симбол на чистотата.

Меѓународниот ден на жената постои во различни форми низ целиот свет повеќе од 100 години. И претставува фузија од различни движења на трудот и социјалната правда. Денот на жената за прв пат бил одбележан во Соединетите држави во 1909 година, а во Австрија, Данска, Германија и Швајцарија почнал да се слави дури во 1911 година. Од 1975 година, овој ден бил „официјално“ признаен од Обединетите нации.

Кој бил мозокот зад сево ова? На многу начини, тоа било заеднички напор – резултат на бројни движења и активности. Но, ако сакаме да бидеме конкретни, тоа беше жената по име Клара Цеткин – германски марксистички теоретичар, активист и борец за правата на жената која прва ја предложила идејата за Меѓународниот ден на жената.

На конференцијата во Копенхаген на повеќе од 100 работнички од различни земји, Цеткин предложила секоја земја да го слави денот на жената на истиот датум – секоја година. Нејзиниот предлог бил едногласно усвоен!