Омилениот син на покојната кралица Елизабета Втора, принцот Ендру (63), сè уште не сака да ја напушти Кралската ложа (Royal Lodge) и покрај барањата што му ги упати неговиот постар брат, кралот Чарлс Трети (74).

Откако принцот Ендру повторно одби да ја напушти својата вила во Виндзор, на кралот Чарлс Трети му снемувааѕ можности да го избрка. Резиденцијата Кралска ложа стана најголемата причина за расправија меѓу двајцата браќа откако Ендру реши да ги игнорира барањата на кралот да го напушти имотот со 30 спални соби.

Куќата, која се наоѓа на пописот на кралскиот имот и се наоѓа во Виндзор, е дом на принцот Ендру веќе две децении, но Чарлс сака да го исели за во него да ги смести принцот и принцезата од Велс.

Но, Ендру се вади на тоа дека потпишал долгорочен закуп со нивната мајка, покојната кралица Елизабета Втора, на имотот од 30 милиони фунти, каде што живее со поранешната сопруга Сара Фергусон.

Според раскажувањата на пријателите на Ендру, договорот за закуп ќе биде активен уште неколку децении, а само еден човек во Велика Британија има овластување да го исфрли, а тоа не е неговиот брат, кралот Чарлс Трети, туку министерот за финансии. 

„Закупот е на име на војводата, така што никој не може да му го одземе. Тоа е долг закуп и му преостанаа 80 до 90 години, а ова е потпишано меѓу него и Крунскиот имот, така што тоа не е прашање за кралот, туку за канцеларот на државната благајна. Единствениот начин да го натерате да се исели ќе биде ако се постигне договор, тогаш тој ќе мора да се согласи“, изјавил за „Тајм“ пријател на принцот Ендру.

Расправијата меѓу двајцата браќа трае со месеци, алосе дополнително се интензивира со првите финансиски извештаи што ги видел кралот, кои покажуваат дека имотот е прескап за одржување, што е спротивно на желбата на Чарлс да го намали кралскиот буџет.

Нов удар: Принцот Ендру остана и без титулата почесен граѓанин на Јорк

Принцот Ендру се спаси: Се спогоди и нема да одговара за сексуална злоупотреба