Кралицата Елизабета Втора денеска полни 94 години: Вози без возачка дозвола, не сака кромид и лук, а знае да поправа и автомобили
Британската кралица Елизабета Втора денес го слави 94-роденден. Нејзиниот роденден нема да биде одбележан со традиционалната почесна стрелба, која кралицата ја смета за неприкладна поради епидемијата со коронавирусот.
Во продолжение прочитајте неколку интересни факти поврзани со најдолговечната владетелка, Елизабета Втора.
Во светот постојат дури 237 улици кои го носат нејзиното име.
Куќата во Лондон во која е родена, сега е кинески ресторан.
Сопственичка е на сите црвеноклунести лебеди во Велика Британија.
Сопственичка е на сите китови и делфини кои пливаат во водите на Велика Британија.
Првиот фудбалски натпревар на кој присуствувала бил натпреварот меѓу Блекпул и Болтон, кој завршил со резултат 4:3.
Не го сака вкусот на кромидот и лукот, па кралските готвачи никогаш не ги користат тие намирници во нејзините јадења.
Висока е само 162 сантиметри.
Првиот мејл го пратила кога скоро никој во светот не бил запознаен со тој поим. Тоа било во 1976 година од компјутер во британската воена база.
Учествувала на отворањето на Олимписките игри во Лондон. Нејзината двојничка скокнала со падобран од авион.
Нејзиното лице се наоѓа на дури 35 светски валути.
Семејството во младоста и го дало прекарот Лилибет. Го отфрлила кога имала 13 години и се лутела кога некој ја викал така.
Имала 13 години кога почнала Втората светска војна. Во 1945 година вежбала со војската како механичарка.
За време на војната 5 години поминала во дворецот Виндзор. Прозорците биле заштитени со вреќи, а светлата цело време биле пригушени поради безбедноста.
Палатата била бомбардирана вкупно 16 пати во 1940 и 1941 година. Нејзината мајка за влакно ја избегнала смртта.
На 21 година се омажила со Филип од Вестмајнстер.
Нејзиниот венчале прстен бил направен од велшко злато.
Научила да вози на 21 година и таа е единствена во Велика Британија на која не и е потребна возачка дозвола.
Фустанот што го носела на крунисувањето, го носела подоцна уште шестпати.
Не гласа на изборите бидејќи тоа би било противуставно.
Има четири деца, осум внучиња и седум правнучиња.
ПРОЧИТАЈТЕ: Како Елизабета стана кралица на Британија? (ФОТО)
