Кралицата Елизабета среќна како мало дете – После 60 години и се исполни најголемата желба (ФОТО)
Британската кралица Елизабета II (93) ја покажа својата сосема поинаква страна од онаа на која досега сме навикнати. Наместо аристократкото сериозно држење при позирањето за фотографија, кралицата конечно на себе си си ја исполнила желбата која ја имала со години – да се фотографира со раџете во џебовите.
Фотографијата ја објави магазинот Hello во пресрет на издавањето на книгата на Ангела Кели, долгогодишната стилистка на кралицата, а портретот кој го овековечи фотографот Бери Џефри ги воодушеви фановите ширум светот.
На фотографијата во очите на кралицата јасно се гледа колку е среќна што конечно зазема ваква поза за фотографирање и токму нејзината искрена насмевка е тоа што воодушеви половина свет.
Кралицата Елизабета сакала ваква фотографија уште од крунисувањето, но нејзината претходничка, односно нејзината мајка – Кралицата Елизабета и официјалните лица од палатата никогаш не и дале одобрение.
Ангела Кели открила уште поинтересни нешта од самото фотографирање.
„Нејзиното височество позираше во различни пози – со рацете во и надвор од џебовите, па ги стави и рацете на колковите и ги имитираше професионалните модели, беше толку среќна и природна“, открива Кели.
Сепак, кралскиот совет одлучи дека необичните фотографии од кралицата не се прикладни за споделување во јавност и одобрена е само една – ретка фотографија на која се гледа кралската насмевка од уво до уво.
