Кралицата Елизабета штедлива и практична: Сите гости се смрзнуваат, а таа штеди на греење! – Слободен печат
ЖенаМагазин

Кралицата Елизабета штедлива и практична: Сите гости се смрзнуваат, а таа штеди на греење!

На кралицата не ѝ паѓа на памет да ги пали камините, туку преку ден ги загрева само просториите во кои најчесто престојува и тоа со мали електрични греалки.

Секое лето британската кралица Елизабета Втора го поминува во својот дворец Балморал во Шкотска, а повремено таму угостува и луѓе од јавниот живот. Некогаш ѝ се придружуваат и членови од семејството, но кралицата задолжително со себе ги носи своите миленичиња, кучињата.

Иако е голем престиж да се добие покана за Балморал, многумина не си поминале многу убаво во дворецот бидејќи во дворецот е ужасно ладно, дури и среде лето.

Една од нив била и Чери Блер, сопругата на поранешниот премиер Тони Блер, која го презирала одењето во Шкотска бидејќи не можела да спие од студ, а не ѝ се допаднале ни гајдите кои свиреле рано наутро под прозорецот.

Profimedia
Profimedia

Наводно уште рускиот цар ѝ се жалел на кралицата Викторија дека во Балморал е „поладно отколку во Сибир“.

Иако сите имоти на кралското семејство се обновени, имаат нови инсталации и вградени се еколошки штедливи енегретски системи, дворците тешко можат да се загреат, а и кралицата е позната по својата штедливост во секојдневниот живот.

И покрај тоа што е 319. најбогата личност на светот, на кралицата не ѝ паѓа на памет да ги пали камините, туку преку ден ги загрева само просториите во кои најчесто престојува и тоа со мали електрични греалки.

Преку ноќ греењето е исклучено бидејќи таа спие со своите кучиња кои доволно ја топлат.

Profimedia
Profimedia

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close