Крај по 16 години брак: Првата дама на модниот свет Ана Винтур е повторно сама!
По цели 20 години поминати заедно, од кои 16 во брак, главната уредничка на американското издание на „Модната Библија“, Вог, Ана Винтур и американскиот пионер за телекомуникации и милионер Шелби Брајан одлучија да се разделат.
Една од најмоќните двојки на денешницата, 70-годишната Ана Винтур и 74-годишниот Шелби Брајан, по долгата криза во бракот, сега одлучија да потпишат документи за развод.
Сè уште не е позната точната причина за распадот на нивниот брак, но според гласините во американските медиуми, Шелби неодамна повторно се зближил со неговата поранешна сопруга Кетрин, чиј втор сопруг, банкарот за инвестиции Дејмон Мезакапа, почина во 2015 година. Тој ја напушти Кетрин поради Ана Винтур, со која започна врска во 1999 година.
Кризата во нивната врска започна уште во 2013 година, кога се откри дека Шелби Брајан и должи на даночната служба 1,2 милиони долари, по што сè тргна во надолна линија.
Самата Ана Винтур беше снимена уште во февруари на вечера со британскиот актер Бил Ниги, со кого често можеше да се види на папарацо фотографиите и во Лондон и во Њујорк, а таа и по овие шпекулации сè уште не ја коментира нејзината брачна состојба.