Соборениот судански премиер Абдала Хамдок ќе биде вратен на функцијата, во согласност со договорот што го постигна со армијата, изјави денеска за Ројтерс извор близок до премиерот.

Изворот наведува дека Хамдок се согласил на договор со армијата, со цел да се запре крвопролевањето што следеше по протестот против военото преземање на власта минатиот месец.

Уставната декларација потпишана меѓу армијата и цивилите во 2019 година ќе остане основа за понатамошни преговори, рече изворот.

Претходно денеска лидерот на партијата Ума изјави дека суданската армија планира да се врати на позицијата на соборениот премиер Абдал Хамдок, по договорот постигнат доцна синоќа.

Во извештајот на Ројтерс се наведува дека договорот постигнат меѓу армијата и цивилните политички партии имплицира дека Хамдок ќе формира независен кабинет составен од технократи и дека сите политички затвореници ќе бидат ослободени, рече Фадлалах Бурма Насир.

Ослободен уапсениот судански премиер Хамдок