Шкотската Премиерлига официјално е завршена и титулата е доделена на Селтик, кој до прекинот на сезоната беше лидер со 13 бодови предност во однос на второпласираниот Ренџерс.

Денеска на состанокот на Управниот одбор беше донесена одлуката, откако претходно сите 12 клубови се согласија дека невозможно е продолжување на сезоната 2019/2020.

Така, популарните Келти стигнаа до деветтата последователна титула и го продолжија своето владеење во шкотскиот фудбал.

Celtic champions and Hearts finish bottom after Scottish Premiership season is declared overhttps://t.co/XrfAv12h2B pic.twitter.com/FryBr3Asjn

— BBC Sport Scotland (@BBCSportScot) May 18, 2020

Хартс е екипата која ќе се пресели во понизок ранг, но можно е тоа и да не се случи. Постојат најави дека во наредната сезона би можело да дојде до проширување на шкотскиот шампионатот, и на тој начин Хартс би останал во елитата.

– Главниот фокус ќе биде како да го вратиме фудбалот во нормала и да продолжиме со фудбалот што поскоро. Никој не треба да се сомнева колку ќе биде тежок тој напор – рече еден од челниците на шкотската лига, Нил Донкастер.

Ќе биде интересно каква ќе биде процедурата за учество на шкотските екипи во европските натпреварувања. Сезоната предвреме ја завршија уште Французите, Холанѓаните и Белгијците.