Крадец со боксирач сакал да истепа полицајци – Слободен печат
Хроника

Крадец со боксирач сакал да истепа полицајци

Насилникот е уапсен и против него се поднесени две кривични пријави.

Тешка кражба и напад на полицајци гласи кривичната пријава против 29-годишниот Н.Н. кој заедно со девојка украле џип, а потоа се обидел да повреди тројца полицајци.

Јавното обвинителство против насилникот побара судија на претходна постапка барање да му одреди притвор. Во пријавата е наведено дека осомничениот украл возило „БМВ Х5“. Кога бил забележан од газдите, го стартувал возилото и избегал. Сопственикот на џипот за кражбата ја алармирал полицијата која започнала потрага по возилото.

Кога сега осомничениот бил лоциран дека е населбата Маџари, двајца полициски службеници со службено возило „шкода јети“ се обиделе да му го попречат патот и да го уапсат крадецот. Но, тој со џипот удрил во полициското возило, а потоа користејќи боксирач со бодежи сакал да ги нападне двајцата полицајци. Во посредна близина бил трет полицаец кој им помогнал на колегите да го уапсат крадец.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close