Во велешката Општа болница се хоспитализирани вкупно 68 пациенти од кои 60 потврдени позитивни, шест сомнителни и двајца со негативни тестови.

Како што информира портпаролот д-р Весна Неделковска Николова, Инфективното одделение со 54 пациенти е целосно потполнето. На Физикална, кое е второ ковид одделение, со 25 кревети сместени се десет пациенти и има сè уште слободни кревети. На Интерно „Б” крак се лекуваат четири пациенти, а кои се со последици по веќе прележан ковид.

Инаку денеска од велешката болница испишани како оздравени четворица пациенти со по еден негативен тест.

Продолжува и црниот биланс на починати во велешката болница. Вчера околу 18 часот починал маж на 68 години примен пред три дена, а после полноќ починале двајца мажи, еден на 59 години и еден на 68 примени пред два дена. Утринаа починал и пациент на 66 години примен пред три дена.