Ковид-19 во светот низ бројки: Заболени над 31 милион лица, 22 милиона оздравени и речиси милион починати
Бројот на заболени лица со Ковид-19 во светот, според интернет-страницата „Ворлдометер“ (Worldometer), надмина 31 милион. Најпогодени од пандемијата се САД каде има речиси седум милиони заразени, а над 200.000 починаа досега.
На второ место е Индија, каде се разболеле 5,4 милиони луѓе, а бројот на заразени секој ден се зголемува за речиси 100.000. Во Бразил, пак, кој е на третото место по бројот на заразени, се разболеле над 4,5 милиони луѓе, а во Русија повеќе од еден милион.
Коронавирусот во Европа е потврден кај повеќе од 4,4 милиони луѓе, а по Русија следуваат Шпанија со 659.334 случаи и Франција со 442.194.
Според „Ворлдометер“, во светот досега се заразени 31.002.576 лица, починале 961.612 луѓе, 22.610.880 се излекувани.