Ковид-19 во Словенија: Починаа 25 луѓе, 1.342 новозаболени во последните 24 часа
Во Словенија, денеска се потврдени 1.342 нови случаи на коронавирус од направени 4.807 тестови, а 25 лица починаа, објави словенечката Влада.
Со тоа, вкупниот број на потврдени инфекции во земјата се зголеми на 35.649 од почетокот на епидемијата, од кои 22.501 случаи се активни.
Бројот на хоспитализирани пациенти се зголеми на 821, наспроти 779 од претходниот ден, а бројот на лица на интензивна нега се зголеми од 122 на 131, пренесува агенцијата Хина.
Според словенечкото Министерство за здравство, 357 лица досега починаа како резултат на ковид-19.
Од починатите, 70 проценти се жители на домови за стари лица, каде состојбата е многу тешка во сегашниот, втор бран на епидемијата.